مناجاة مغربية بروح كتابية
Roma
مناجاة مغربية بروح كتابية
العنوان: نورك كيضوي حياتي
يا ربي… كنجيك من وسط الغلا والضغط، ولكن كنفكر نفسي فهاذ الحقيقة: انت الإله اللي كيرزق العصافير فالسما، فبالأحرى الإنسان اللي كتعرف دموعو قبل ما تنزل. كنقول لقلبي: ما تخافش… اللي خلق الكون قادر يفتح باب واحد يغير الأيام.
وخدمتي اللي ما مستقراش كنحطها بين يديك، لأنك الراعي الصالح اللي كيقود الخطوات وحدو،
واللي ما كيخلي حتى طريق بلا نور. وإذا الناس سدو، انت كتفتح، وإذا الظروف تقلقات، رحمتك كتسبق.
وضغط المجتمع اللي كيكسر الأعصاب… كيرجع يلين ملي نتفكر بلي انت كتشوف النية قبل الكلام، والقلب قبل التوقعات. يا ربي، عطيني نعيش على الحق اللي كيحرر، ماشي على خوف من كلام الناس.
وفي هاذ العالم اللي كيجري، كيرجع قلبي يقول: انت السلام اللي كيطفي العاصفة، والنور اللي كيبدد الشك،
والصوت اللي كيهدي الداخل بلا مجهود. وخاصة داك الفراغ اللي فالداخل… ما يقدش يعمرو غير حضورك اللي كيبدل الإنسان من جذورو. يا رب،
انت كبير فالمحبة، عظيم فالرحمة، وقريب بزاف من اللي كيطلبوك بصدق… وأنا واحد منهم.
o إعداد/ مينا نبيل