الخوف
william
الخوف
لما تقرر انك تهزم خوفك
في الغالب تحتاج مساعدة
الصورة دي اخدتها علي صخرة من الصخور الطبيعية علي شط إسكندرية
ولأنها صخرة طبيعية
فهي مش امان علشان هي بعيده عن الرصيف لو انت بتدوخ أو بتخاف
ببساطه ممكن تقع و حتي جثتك في الغالب مش هيعرفوا يطلعوها
المهم انا كنت عاوزه اقف علي الصخرة دي علشان أتصور
بس كنت خائفة
ايوه كان عندي استعداد بس كنت مرعوبة
سألني صديقي جوزيف عاوزة تطلعي عليها قولته: ايوه قالي اطلعي ومتخافيش وساعدني وفضل واقف جنبي وهو نفسه اللي صورني الصورة التحفه دي
انا كنت خائفة فيها بدرجة كبيرة
اللي طلع في الصورة ضحكتي وجمال الطبيعة اللي في الصورة
لما تبقي نفسك تعمل حاجة اطلب من اللي حواليك يساعدوك واعترف بمشاعرك الحقيقية انك خائف ، تعبان ، مضايق –
ومتقلقش لأنك اكيد هتلاقى واحد من اللي جانبك فاهم انت بتقول ايه
اهزم خوفك
عبر – اعترف – انتظر – وخد خطوة
نيرمين هارون- مصر
